Þá er það taka tvö á þessa færslu því tölvan ákvað að deyja úr leiðindum á meðan ég sló inn fyrri útgáfuna. Sú var mun fyndnari en þessi verður, þannig að ég vona að tölvan springi ekki í loft upp...
Sem sagt...þá lofaði ég móður minni að ég myndi blogga fyrir Ingu Lóu því hana vantar eitthvað að lesa.
Í fréttum er þetta helst:
Ég er enn að vinna í doktorsritgerðinni og gengur bara vel.
Hér er sól og blíða og Englendingar allir eru nú samtaka um að grilla sem mest og við erum að fara í okkar aðra (á stuttum tíma) grillveislu á morgun. Hef reyndar aldrei skilið hvað er svona rosalega skemmtilegt við að borða grillaðar pylsur, berjast við skordýr á meðan maður stiknar úr hita og fær smátt og smátt sólsting. En hey!...til að vera ekki fúla konan þá mæti ég ávallt á staðinn og treð mér í skuggann og held uppi afar skemmtilegum samræðum sem snúast oftast um það að útskýra hvernig maður fær doktorsgráðu í að spila tölvuleiki :D
Mýslan er þrælhress og á afmæli eftir nokkra daga. Hún valdi, í staðinn fyrir að hafa veislu, að bjóða tveimur vinum í safaripark þann 12. maí. Móðir hennar er afar þakklát fyrir það þar sem hún (móðirin) er ekkert rosalega mikil barnaveislukona en mun meiri safarikona, sérstaklega ef um er að ræða aðeins 3 börn í stað 15 :D
Ásdís og Doddi eru að fara að útskrifast von bráðar sem "Masters of the Universe"...svoltið eins og He-Man og She-Ra...óskum þeim til hamingju með það hér með :D
Man ekki meira í bili
Tómhöfði