Rannveig gestabloggari er með einhvern hasar í kommentakerfinu af því að einhver var að kalla hana nörd og full af öðru fólki líka, ég veit ekki alveg hvað er í gangi þarna í Skotlandi.

Ég hef aldrei heyrt um útivistanörda áður.. það er fyrir mér alveg nýtt og voða skrýtið - enda er útivist einum of algengt áhugamál því fyrir mér á orðið nörd aðallega við um fólk sem er hefur einhverskonar jaðaráhugamál. Til dæmis sé ég ekki fyrir mér að einhver geti verið heilsuræktarnörd eða sundnörd en þetta er náttúrulega bara afstætt. Kannski eru til hópar heilsuræktarnörda.... eða myndu það fólk kallast kannski frekar vaxtarræktarfólk?

Fyrir mér er nörd voða hlýlegt orð og mér finnst alltaf krúttlegt að hitta fólk sem hefur brennandi áhuga á einhverju (venjulega einhverju fantasy eða sci-fi tengdu) og drekkir manni í fróðleik t.d. um kosti og ókosti þess að nota "lightsabre" eða "mind trick" í role-playing aðstæðum. Kannski það krúttlegasta við þessar samræður er að ég er núna farin að skilja hvað verið er að tala um og kinka kolli og svo flissum við saman að einhverjum brandara sem að aðrir utan þessa hóps myndu aldrei skilja.

Það er svo sem alltaf hægt að deila um hver er nörd og ekki nörd, því það eru sumir sem alls ekki vilja meina að þeir séu nördar... eins og td Rannveig sem vill halda því fram að aðeins sé til"venjulegt fólk sem er með mismunandi áhugamál"

En fyrst við erum að tala um orð sem getur gert mann brjál þá langar mig að benda á orðið kjúlli ... þoli ekki það orð...grrrr...af hverju getur fólk ekki bara sagt kjúklingur?? HA??