Hæ mýs!

Ég held að enginn detti hérna inn lengur en mamma sagði að ég ætti að blogga sumarblogg og þar sem ég er með eindæmum hlýðin þá koma hérna nokkrar línur.

Ég er búin að skila doktorsritgerðinni minni inn til varnar. Hún er agalega stór og gáfuleg - 235 síður af ....uuuu...ég man ekki alveg hvað er í henni lengur. Ég er ekki búin að fá dagsetningu á vörn af því að andmælandakonan sem var búin að lofa að koma varð allt í einu voða busy og dró sig í hlé.

Mýsla er að fara í sumarferðalag með skólanum til Isle of Wight I 4 nætur og er agalega spennt.

Ég er byrjuð að vinna tímabundið sem skrifstofukona á nálægri geðdeild og skemmti mér afar vel í þeirri vinnu enda að vinna með mjög almennilegu fólki. Ég er að líta í kringum mig eftir framtíðarstarfi en er eitthvað voða óákveðin hvað ég vil gera þannig að ekki vera að spyrja mig - því ég hef engin svör.

Ég held það sé bara ekkert að frétta meira en ef svo verður þá fáið þið fyrst að heyra fréttirnar :D